Монсон беҙҙә нимә эшләй?

Джефф Монсон – Рәсәй һәм Америка спортсыһы. Грэпплинг һәм джиу-джитсу көрәш төрҙәре буйынса донъя чемпионы. 

“Әгәр яңылышмаһам, был фотоны ике йыл самаһы элек төшкәйнек. Күптәр Өфөлә Джефф Монсондың нимә эшләүенә ғәжәпләнде. Ул эшләй. Джефф Монсон мәктәбен асты. Балаларға грэпплинг серҙәрен өйрәтә. Өфөнөң – 13, республиканың 7 мәктәбендә даими оҫталыҡ дәрестәре үткәрә. Балаларыбыҙҙы спортҡа ылыҡтыра. Уның менән дуҫлығыбыҙға бик шатмын”, – тип яҙған Радий Фәрит улы “Бәйләнештә”ге сәхифәһендә спортсы менән төшкән фотоға күрһәтеп.

ye102.ru