Енәйәтсене эҙләйҙәр

Өфөнөң Шакша биҫтәһендә урынлашҡан 5-се холоҡ төҙәтеү колонияһынан тотҡон ҡасҡан, тип хәбәр итә «Башинформ».

Учреждение хеҙмәткәрҙәре киске тикшереү ваҡытында уның юҡлығын асыҡлай. Ҡасҡалаҡ быйыл февраль айында Енәйәт кодексының 119-сы статьяһы буйынса иркенән мәхрүм ителгән булған. Ул кешегә үлтереү менән янап, һауылығына етди зыян килтереүҙә ғәйепләнгән. Уның хаҡында шулар билдәле: 33 йәшлек ир, һул яҡ ҡолағы юҡ. Йөрөгән юлдарығыҙҙа һаҡ булыу һорала.

Фото К. Кадинина.

https://bashgazet.ru