Дим буйҙары
+10 °С
Ямғыр
75 лет Победы
Бөтә яңылыҡтар
ЙӘМҒИӘТ
12 Май , 16:06

Интернетһыҙ быуын...

Бер көндө улы атаһынан: "Һеҙ элек интернетһыҙ, компьютерһыҙ, телевизорһыҙ, кондиционерһыҙ, кеҫә телефонһыҙ нисек йәшәнегеҙ?" - тип һорай икән.

Интернетһыҙ быуын...
Интернетһыҙ быуын...

Атаһы шулай тип яуап биргән:
- Һеҙҙең быуын бөгөн бер ниндәй ҙә доға уҡымай, бер кемде лә ихтирам итмәй, китап уҡымай, ояла белмәй нисек йәшәй алған кеүек, беҙ ҙә яңы технологияларһыҙ йәшәнек. Беҙ, йәғни 1939-1985 йылдарҙа йәшәгән кешеләр, фатихалы һәм бәхетле быуын. Беҙҙең тормошобоҙ шуны иҫбатлай: бер ҡасан да велосипедта йөрөгәндә, уйнағанда шлем кеймәнек. Беҙ мәктәпкә беренсе көндән үк үҙебеҙ генә йөрөүҙән ҡурҡманыҡ. Уҡыуҙан һуң ҡояш байығансы уйнаныҡ, бер ҡасан да яртышар көнләп телевизор ҡарап ултырманыҡ. Беҙҙең дуҫтар ысын булды, ә интернеттағы таныштар түгел.
Һыу эскебеҙ килһә, крандан алып эстек, ә шешәнән түгел. Бер стакандан дүртәр-бишәр кеше эсһә лә, ауырымай торғайныҡ. Сирләп китһәк, атай-әсәйебеҙ арзанлы ғына дарыуҙар йәки халыҡ ысулдары менән дауаланы. Көн һайын картуф һәм икмәк ашаһаҡ та һимермәнек. Уйынсыҡты ла үҙебеҙ эшләнек. Китаптарыбыҙ, уйынсыҡтарыбыҙ менән алмашлап уйнаныҡ, уҡыныҡ.
Беҙҙең атай-әсәйҙәр бай булманы. Улар беҙгә үҙҙәренең һөйөүен бирҙе, рухилыҡты ҡәҙерләргә өйрәтте, ә матди байлыҡты түгел. Ғәҙеллек, тоғролоҡ, хөрмәт, ныҡышмалы хеҙмәт төшөнсәләре кеүек мәңгелек ҡиммәттәрҙе аңлап үҫтек.
Беҙҙең бер ҡасан да мобиль телефондар, PlayStation, Xbox, видеоуйындар, ноутбуктар, интернет-чаттар булманы.
Уның ҡарауы беҙҙең ысын дуҫтарыбыҙ булды!
Беҙ тиҫтерҙәребеҙгә бер ниндәй саҡырыуһыҙ ҡунаҡҡа бара инек, беҙҙе ябай ғына ризыҡтар менән һыйланылар. Беҙҙең иҫтәлектәр аҡлы-ҡаралы фотоһүрәттәрҙә ине, әммә улар сағыу һәм матур булды, ғаилә альбомдарын ҙур кинәнес менән ҡарай инек һәм олатайҙарыбыҙҙың портретын хөрмәт менән һаҡланыҡ.
Китаптарҙы сүплеккә ырғытманыҡ, киреһенсә, ҙур сират тороп, һатып алдыҡ, уларҙы йотлоғоп уҡыныҡ.
Һеҙҙең кеүек Инстаграмда бөтә тормошобоҙҙо күрһәтеп, киң мәғлүмәт сараларында асыҡтан-асыҡ ғаилә серҙәрен һөйләмәнек, башҡаларҙы ла хөкөм итмәнек.
Беҙ уникаль һәм һеҙгә ҡарағанда аҡыллыраҡ булдыҡ, сөнки беҙ - ата-әсәһен тыңлаған һуңғы быуын. Бынан тыш, үҙҙәренең балаларын тыңларға тейеш булған беренсе быуын. Беҙ һеҙҙән аҡыллыраҡ һәм һеҙгә әле булһа ярҙам итәбеҙ, беҙ сикле. Шуға күрә беҙҙең ҡәҙерҙе белеп ҡалығыҙ! Беҙ юғалғансы өйрәнеп ҡалығыҙ!..
http://kiskeufa.ru

Интернетһыҙ быуын...
Интернетһыҙ быуын...
Автор:
Читайте нас в