Сыңлай һуңғы ҡыңғырау

Бөгөн Башҡортостан ҡалаларында һәм райондарында сығарылыш класы уҡыусылары өсөн «Һуңғы ҡыңғырау» байрамы була.

Был көндө мәктәп тамамлаусылар символик рәүештә мәктәп менән хушлаша.. Алда — мөһим имтихандар, онотолмаҫ сығарылыш кисәһе.

Өфөлә генә бөгөн 119 дөйөм белем биреү ойошмаларының 4853 ун беренсе класс уҡыусыһы өсөн һуңғы ҡыңғырау яңғырай.

Хәтерегеҙгә төшөрәбеҙ, «Торатау» конгресс-холының түбәнге майҙансығында көндөҙгө сәғәт 2-лә мәктәп тамамлаусылар, уҡытыусылар һәм ата-әсәләр өсөн ҡала байрамы башлана. Программала – вальс бейеү, бейеү флешмобы, баш ҡала мәктәптәре уҡытыусылары хоры, уҡыусыларҙың ижади номерҙары һәм ата-әсәләрҙең ҡотлауы.

26 майҙа уҡ 11-сае класс уҡыусылары Берҙәм дәүләт имтиханын тапшыра башлай, һынауҙар 2 июлгә тиклем дауам итә.

Фото: www.58foto.ru

https://www.bashinform.ru