Тағы 22 әсә "Әсәлек даны" миҙалы аласаҡ

Башҡортостан Башлығы Радий Хәбиров биш һәм унан күберәк бала тәрбиәләүсе 22 ҡатынды «Әсәлек даны» миҙалы менән бүләкләү тураһындағы указға ҡул ҡуйҙы.

Наградаға Әбйәлил, Асҡын, Баймаҡ, Благовар, Ғафури, Дәүләкән, Ҡалтасы, Кушнаренко, Туймазы, Учалы райондарынан һәм Стәрлетамаҡ ҡалаһынан күп балалы әсәләр тәҡдим ителде.

Билдәле булыуынса «Әсәлек даны» миҙалына 17 мең һум күләмендә аҡсалата премия ла ҡаралған. Ул балаларға йәшәү өсөн уңайлы шарттар булдырыуға йүнәлтелгән.

«Әсәлек даны» миҙалы 1998 йылда булдырылды. Шунан алып уның менән 8 меңдән ашыу әсә бүләкләнде.

Фото:асыҡ сығанаҡтарҙан.

https://ye102.ru