Генерал-майор Шайморатовҡа бюст асылды

Башҡортостан Башлығы Радий Хәбировтың сәхифәһенән:

“Бөгөн беҙҙең өсөн айырыуса мөһим көн. Луганск Халыҡ Республикаһының Штеревка ауылында, 1943 йылда генерал-майор Миңлеғәле Шайморатов һәләк булған урындан йыраҡ түгел, легендар командирыбыҙға бюст астыҡ. Оҙаҡ йылдар урында йәшәүселәр беҙҙең генерал һәм Башҡортостандың башҡа данлыҡлы улдары ерләнгән ҡәберлекте тәрбиәләне, уларҙы хәтерендә һаҡланы. Бөгөн беҙгә көрәшергә тура килгән тарихи хәҡиҡәттән бер аҙымға ла сигенмәне улар. Һәм бының өсөн сикһеҙ рәхмәтлебеҙ.

Шайморатовҡа ғына һәйкәл түгел был. Һигеҙ тиҫтә йыл элек милләтселәргә ҡаршы алышҡан яугирҙәр иҫтәлегенә һәм бөгөн дә көрәшеүҙе дауам иткәндәргә лә һәйкәл ул”.

Фото: https://vk.com/radiyhabirov