Өфөнән Мәскәүгә рейстар арттырыла

10 июндән Өфөнән Шереметьево (Мәскәү) халыҡ-ара аэропортына Smartavia авиакомпанияһының яңы даими рейстары асыла. Рейстар аҙнаһына биш тапҡыр башҡарыла.

Өфө аэропортының матбуғат хеҙмәте хәбәр итеүенсә, осоштар дүшәмбе, шаршамбы, кесаҙна, йома һәм йәкшәмбе көндәрендә планлаштырыла. Билет хаҡы 2 320 һумдан башлана.

Бынан тыш, йәйгеһен Smartavia пассажирҙары «Өфө» аэропортынан Санкт-Петербургка һәм Сочиға осорға мөмкин. Төньяҡ баш ҡалаға осоштар – көн һайын, ә Ҡара диңгеҙ курортына – аҙнаһына ике тапҡыр, һәр шаршамбы һәм йома башҡарыла.

https://www.bashinform.ru