Унан тыш, тағы Николай Сафрониди, Артур Шәйбәков һәм ҡапҡасыларҙы күнектергән тренер Ринат Камалов тренерҙар штабында эшләйәсәк.
Хәтерегеҙгә төшөрәбеҙ, Сергей Томаров быға тиклем – 2016, 2018 йылдарҙа – “Өфө” футбол клубына етәкселек иткәйне. Ике йыл элек ул “Өфө” футбол клубының баш тренеры итеп тәғәйенләнгәйне.
Командаға килгәндә, ул яңы уйын миҙгеленә әҙерлекте башланы. Әлегә футболсылар – күрше Силәбе өлкәһенең Әшә ҡалаһындағы ике аҙналыҡ уҡыу-күнекмәләрҙә. “Өфө”нөң йәштәр командаһынан да ярымһаҡсы Хәйҙәр Хәлилов менән һөжүм итеүсе Данил Әхәтов саҡырылған.
Тағы голкипер Алексей Кузнецов, ярымһаҡсы Никита Белоусов һәм һаҡсы Олег Дзантиев командаға кире ҡайтҡан. Улар “ҡуртым”ға алынғайны.
- Айһылыу НИЗАМОВА
https://bashgazet.ru