Александр Доставаловҡа 59 йәш тулыр ине

Республика Башлығы Радий Хәбиров социаль селтәрҙәрҙәге сәхифәһендә гвардия майоры, Рәсәй Геройы Александр Доставаловты хәтергә ала.

«Бөгөн яҡташыбыҙ Александр Доставаловҡа 59 йәш тулыр ине. Гвардия майоры, Рәсәй Геройы. Шундай кеше алдында баш эйәм. Уға 6-сы ротаға ярҙамға бармаҫҡа ла мөмкин ине... Үҙе ҡарар итеп, бер нисә егет менән десантсыларыбыҙға ярҙамға бара.

Икенсе башҡорт батальоны уның исемен йөрөтөүен ғәҙел һәм дөрөҫ тип иҫәпләйем. Ә беҙҙең доставаловсыларға – дошманды туҡмап, уларҙы еңеп, барыһының да ҡайтыуҙарын теләйбеҙ! Көтәбеҙ һәм ышанабыҙ!», – ти ул.

ye102.ru