Илдең 34 төбәгенән киләсәктәр

Өфө ҡалаһы “Социаль өлкәлә дәүләт (муниципаль) хеҙмәттәр күрһәтеүгә дәүләт (муниципаль) социаль заказ тураһында”ғы 2020 йылдың 13 июлендә ҡабул ителгән 189-сы федераль законды ғәмәлгә ашырыу буйынса пилот проекттар менән идара итеү моделе” Бөтә Рәсәй семинар-кәңәшмәһе үткәреү майҙансығына әйләнәсәк.

"Быйыл семинар-кәңәшмәлә ҡатнашырға Рәсәй Федерацияһының 34 төбәгенән делегаттар киләсәк. Сараның пленар ултырышының төп спикеры – Рәсәй Федерацияһының финанс министры урынбаҫары Алексей Лавров. Семинар эшендә халыҡты социаль яҡлау, һаулыҡ һаҡлау, мәғариф, физик культура һәм спорт, дәүләт финанстарына идара итеү өлкәһендәге федераль һәм төбәк башҡарма власть органдары етәкселәре, шулай уҡ коммерцияға ҡарамаған социаль йүнәлештәге ойошмалар вәкилдәре ҡатнашасаҡ", – тип билдәләне Башҡортостан Хөкүмәте Премьер-министры урынбаҫары – финанс министры Лира Иғтисамова.

Эксперттар ике көн дауамында “Социаль өлкәлә дәүләт (муниципаль) хеҙмәттәр күрһәтеүгә дәүләт (муниципаль) социаль заказ тураһында”ғы 2020 йылдың 13 июлендә ғәмәлгә ингән 189-сы федераль законды тормошҡа ашырыуҙы тикшерәсәк, тәжрибә уртаҡлашасаҡ.

Фото: республиканың Финанс министрлығы.

https://bashgazet.ru