Яңауылда яңы һәйкәл барлыҡҡа килде

Хәрби-диңгеҙ флоты көнө алдынан, Яңауылда райондың хәрби моряктарына тантаналы рәүештә һәйкәл асылды. Был турала Яңауыл муниципаль районы хакимиәте башлығы Илшат Вәзиғәтов социаль селтәрҙәге сәхифәһендә яҙмаһы менән уртаҡлаша.

- Яңауыл районының тағы ла бер мөһим иҫтәлекле урын менән тулыланыуына шатмын. Был монумент Яңауыл моряктары башланғысы менән барлыҡҡа килде. Улар уны финаслап ҡына ҡалманы, төҙөлөш эштәрендә лә ҡатнашты. Барлыҡ моряктарҙы ошо ваҡиға һәм байрам менән ҡотлайым! Барығыҙға ла ныҡлы һаулыҡ, ғаилә именлеге, уңыштар юлдаш булһын. Үҫеп килгән быуынға һәр ваҡыт лайыҡлы өлгө булыуығыҙҙы теләйем, - тиелә яҙмала.

Фото: район хакимиәте башлығы сәхифәһенән.

https://bashgazet.ru