Таңға ҡарай Туймазыла ҙур янғын булған

Бында сәғәт 4 тирәһендә Горький урамында урынлашҡан нефть продукттары етештергән предприятиела ут сыҡҡан. Янғын һүндереүселәр килеп етеп, мазут янғанын асыҡлаған.

Нефт продуктын тимер юл вагонынан ерҙә ултырған резервуарға бушатҡанда уға ут тоҡанған.

Ҡотҡарыусылар утты һыу һәм күбек ҡатнашмаһы менән һүндергән, һауыттарҙы һыуытҡан.

«Зыян күреүселәр юҡ. Янғын һүндереүгә 56 кеше һәм 19 берәмек техника йәлеп ителгән, Рәсәй МЧС ынан - 25 кеше и 9 берәмек техника. Янғын сәбәбе асыҡлана. ваҡиға урынында тикшереүселәр эшләй», — тип хәбәр ителә.

ye102.ru