Байрам мәлендә медицина ойошмалары нисек эшләй?

БР Һаулыҡ һаҡлау министрлығының матбуғат хеҙмәтенән хәбәр итеүҙәренсә, 3 ноябрҙә, байрам алды көнөндә, поликлиникаларҙың эш көнө бер сәғәткә ҡыҫҡартыла. Ә 4 ноябрҙә улар шәмбе графигы буйынса: иртәнге сәғәт 8-ҙән киске 5-кә тиклем эшләй. Өйгә саҡырыуҙар, шул иҫәптән кисектергеһеҙ, был көндә көндөҙгө сәғәт 4-кә тиклем ҡабул ителә.

4 ноябрҙә иртәнге сәғәт 8-ҙән киске 5-кә тиклем Башҡортостанда йәшәүселәр дарыуҙар яҙҙырып алырға һәм коронавирусҡа ҡаршы вакцина яһата ала.

Стационарҙар 4-6 ноябрҙә тәүлек әйләнәһенә эшләйсәк.