Фәйзи Ғәскәровсылар Ҡалмыҡстанға «Ҙур гастролдәр»гә сыға

Ноябрҙә «Беҙ – Рәсәй» федераль программаһы сиктәрендә Башҡортостандың һәм Ҡалмыҡстандың танылған милли коллективтарының гастролдәре ойошторола. Был хаҡта республика Мәҙәниәт министрлығының матбуғат хеҙмәте хәбәр итә.

9-26 ноябрҙә Башҡортостан Республикаһының Фәйзи Ғәскәров исемендәге дәүләт академия халыҡ бейеүҙәре ансамбле – Сарапул, Можга, Воткинск, Әшә, Ҡытаутамаҡ, Йүрүҙән, Һатҡы, Эҫем ҡалаларында; 4-5 декабрҙә Пензала һәм Саранскиҙа сығыш яһай. Коллектив «Рәсәй халыҡтары бейеүҙәре» концерт программаһын тәҡдим итә. Директоры – Башҡортостандың атҡаҙанған артисы Нәзир Байегетов.

«Беҙ – Рәсәй» проектын Рәсәй Мәҙәниәт министрлығының Бөтә Рәсәй гастроль-концерт планына ярашлы Росконцерт ойоштора.

https://www.bashinform.ru/