Игеҙәктәр "машиналы" булды!

Күптән түгел, Сибай ҡалаһында  йәшәгән йәш ғаилә Әдилә һәм Виталий Паксюткиндар оло шатлығы тураһында хәбәр иткәйнек. Уларҙың ғаиләһендә игеҙәк улдары — Андрей (ауырлығы 2800 грамм, буйы 48 см) һәм Кирилл (ауырлығы 2990 грамм, буйы 48 см) тыуған.

Кисә ҡала хакимиәте башлығы Азамат Юлдашбаев йәш әсә- Әдилә Рәфис ҡыҙына коляска бүләк итте. Электән Сибайҙа бик матур йола бар: ҡала башлыҡтары тарфынан игеҙәк балалары тыуған ғаиләгә коляска бүләк ителә.

Бер юлы ике уллы булған Паксюткиндарға артабан да уңыштар юлдаш булһын!

Йыл башынан алып ҡалала алты пар игеҙәк тыуған.

Фото: Гөлдәр Ҡадаева.

https://bashgazet.ru