Башҡорт атына һәйкәл булырмы?

Башҡортостанда башҡорт аты һәйкәленең иң яҡшы проектын эшләүгә конкурс иғлан ителде. Мәҙәниәт министрлығының матбуғат хеҙмәте хәбәр итеүенсә, һәйкәл Өфө ҡалаһында Ағиҙел йылғаһының яр буйында ҡуйыласаҡ.

Конкурста ҡатнашыуға ғаризаларҙы, проекттарҙы, аңлатма яҙмаларын, график материалдарҙы һәм смета-финанс иҫәптәрҙе авторҙар 2023 йылдың 1 мартына тиклем Өфө ҡалаһы, Гоголь урамы, 27 адресы буйынса М. Нестеров исемендәге Башҡорт дәүләт художество музейына тапшыра. Телефондар: 7 (347) 273 42 36, 7 (347) 272 13 85.

Положение менән Башҡортостан Республикаһының «Рәсәй Рәссамдар союзы» Бөтә Рәсәй ижади йәмәғәт ойошмаһының төбәк бүлексәһе сайтында танышырға мөмкин.