Был сарала Туймазы, Бүздәк, Баҡалы, Бәләбәй, Йәрмәкәй, Шаран, Благовар райондары һәм Октябрьский ҡалаһы делегациялары менән бер рәттән Бишбүләк районы вәкилдәре лә ҡатнашты. Йәштәр араһында Башҡорт телен һаҡлау һәм үҫтереү ойошмаһы башҡортса квиз уйын ойошторолдо. Ул “Башҡорт мәҙәниәте” темаһына арналды. Уйында ете кешенән торған 9 команда ҡатнашҡан. Һөҙөмтәләр буйынса, 3-сө урынды - Октябрьский ҡалаһы, 2-сене Туймазы районы командалары алды. Конкурстың еңеүселәре итеп Шаран районы командаһы билдәләнгән.
Видеола "Рух майҙаны" күсмә комплекслы сараһында ҡатнашҡан Бишбүләк районы башҡорттары ҡоролтайы рәйесе Булат Ноғоманов үҙенең тәьҫораттары менән уртаҡлаша.