Һалдаттарға ярҙам йөҙөнән

Тышта сатлама һыуыҡ көндәр тора, әммә әүҙем тормош алып барыусылар өсөн был кәртә түгел. Мәҙәниәт йортонда ла һалҡынса булыуға ҡарамаҫтан, Яңы Бикташ ауылы ҡатын-ҡыҙҙары махсус хәрби операциялағы яугирҙәр өсөн “блиндаж шәмдәре” әҙерләгән. Иретелгән балауыҙ, тығыҙ ҡатырға һәм ҡалай банкаларҙы ҡулланып эшләгән көнкүреш шәмдәре һалдаттарға йылынырға, һыу ҡайнатырға, ашарға бешерергә мөмкинлек бирә.

Изге күңелле гүзәл заттар йыйған ярҙамдары имен-аман ғына яу ҡырына барып етһен, тигән изге теләктә ҡала. 

Фото "Бөтәһе лә фронт өсөн - Бишбүләк" сайтынан алынды.