"Йәшел Башҡортостан" акцияһына дәррәү ҡушылдылар

Район үҙәгендәге төрлө ойошма хеҙмәткәрҙәре, тыуған төйәгенә битараф булмағандар өмәгә сыҡты. Йәйгесә һауа торошо, көр кәйеф һәм күмәк көс менән башҡырылған эш ырап ҡына торҙо. 

Был көндә район үҙәге биләмәһендә ағас ултыртыу - үҙе бер мөһим сараға әүерелде. Әгәр ҙә, барлыҡ үҫентеләр ҙә буйға күтәрелеп китһә, бер нисә йылдан бында ҡарағай урманы буласаҡ.