Сыуаш телендә уҡыу модала!

Башҡортостан Республикаһы Башлығы Радий Хәбиров: «Беҙҙә грант ярҙамы системаһы яҡшы төҙөлгән. Һуңғы биш йыл эсендә гражданлыҡ йәмғиәте институттары 1,5 млрд һумға яҡын шундай ярҙам алды. Беҙҙең коммерцияға ҡарамаған сектор Башҡортостан Башлығы Гранттары фонды hәм президент Гранттары фонды конкурстарында әүҙем ҡатнаша».

Бишбүләк районы үҙәк китапханаһы Башҡортостан Республикаһы Бишбүләк районы муниципаль районының социаль үҫешенә ярҙам итеү Хәйриә фондының «Сыуаш телендә уҡыу модала» медиа-салоны» проектын ғәмәлгә ашырыуҙа төп партнер булды.

Туған телдәге әҙәбиәттең бала тәрбиәләүҙә мөһим роль уйнағанын аңлап, балаларға милли әҙәбиәт аша үҙҙәренең мәҙәни мираҫы, ғөрөф-ғәҙәттәре hәм тарихы тураһында нисек белә алыуҙарын күрһәтергә кәрәк. Сыуаш әкиәттәре, шиғырҙары, хикәйәләре hәм башҡа әҫәрҙәре туған телгә һөйөүҙе, үҙ халҡыңды аңлауҙы hәм уға хөрмәтте үҫтерергә ярҙам итә.
Был проект Башҡортостан Республикаһы Башлығы Гранттары фонды ярҙамында Башҡортостан Республикаһы Башлығы гранты иҫәбенә ғәмәлгә ашырыла.  Башҡортостан Республикаһы Башлығы Гранттары фонды төбәктәге социаль әһәмиәтле проекттарға hәм инициативаларға ярҙам итеүҙә мөһим роль уйнай. 2020 — 2024 йылдарҙа фонд 17 конкурс үткәрҙе, бирелгән 3 692 ғаризаның 745-ен хупланы. Грант ярҙамының дөйөм суммаһы 1,2 млрд. һумдан ашыу тәшкил итте, шуларҙың 852,5 млн. һумы республика бюджетынан hәм 364,86 млн. һумы Президент гранттары фондын финанслау иҫәбенә.
«Сыуаш телендә уҡыу модала!» проектының беренсе этабында балалар менән бергә контент булдырыу буйынса оҫталыҡ дәрестәре уҙасаҡ, уларҙы шағирә, Башҡортостан Республикаһының «Шуратал» сыуаш йәмәғәт берләшмәһе
ағзаһы Марина Яковлева үткәрәсәк. Проект сиктәрендә  балалар сыуаш авторҙарының балалар өсөн яҙыусы шиғырҙарын һәм хикәйәләрен видеоға тoшөрөп, “Бәйләнештә” сыуаш секторы тoркөмөнөң социаль селтәрендә «Сыуаш телендә тыңлайыҡ» рубрикаһы аҫтында баҫтырасаҡтар. Балалар тауышы менән интернетҡа сығыу киң интернет-аудитория өсөн сыуаш әҙәбиәтенә йәлеп итеүҙең яңы форматын булдырасаҡ.
— Хеҙмәтемдең төрөнә ҡарап, миңә йыш ҡына Бишбүләк
мәктәптәрендәге сыуаш кластарында төрлө саралар үткәрергә тура килә. Балаларҙың туған телде өйрәнеүгә бәйле ҡыҙыҡһыныуҙары булмауын һиҙәм. Әлеге проект ярҙамында алған күнекмәләр артабан дәрестәрҙә уңышлы ҡулланылыр, тип ышанам, — тине сыуаш халҡы менән эшләү секторы мөдире Марина Яковлева.

Проектта ҡулланыла торған тағын бер ижади форма — «Сыуаш телендә уҡыу модала!» муниципаль уҡыусылар фестивале. Әлеге фестиваль балаларҙың ижади һәләтен тормошҡа ашырыуға һәм сыуаш телен нығыраҡ өйрәнеүгә йүнәлтелгән. Проект уҡылған сыуаш әҫәре буйынса «Уҡылды. Төшөрөлдө!» иң яҡшы буктрейлерға республика конкурсы менән тамамланасаҡ. Конкурстың маҡсаты - сыуаш телендә уҡыған әҫәр тураһында уҡыусыларҙың  шәхси тәҫораттарын видео, аудио, виртуаль заставкалар hәм башҡаларҙы үҙ эсенә алған электрон журнал рәүешендә башҡа уҡыусыларҙы ҡыҙыҡһындырырлыҡ итеп тәҡдим итеү.

Галина ВАРИКОВА.
Фотолар Марина Яковлеваның шәхси архивынан.

Елена ҒӘНИЕВА, проект етәксеһе, Бишбүләк үҙәкләштерелгән китапхана системаһы директоры:

— Әлеге проект алты йәштән алып 12 йәшкә ҡәҙәрге балалар өсөн ҡаралған hәм сыуаш телен һаҡлап ҡалыуға, сыуаш әҙәбиәтен популярлаштырыуға hәм проектта
ҡатнашыусыларҙың үҙҙәре тарафынан туған телдeмультимедиа продукттары булдырыуға йүнәлтелгән. Барлыҡ теләгәндәрҙе «Сыуаш телендә уҡыу модала!»
медиа-салоны» проектына ҡушылырға, унда ҡатнашырға
саҡырам.