Бәхил булығыҙ, яугирҙәр!

Кисә район халҡы Киҫтәнле Ивановка ауылының ир-уҙаманы Павлов Евгений Вячеславовичты (1988 г) һуңғы юлға оҙатһа, Бөгөн бишбүләктәр махсус хәрби операция барышында һәләк булған ҡаһарман яугир, Бишбүләк ауылы егете Гәрәев Рөстәм Зәкәриә улы менән бәхилләште.  

Рөстәм Гәрәевте һуңғы юлға оҙатырға килгәндәр күп булды. Батыр һалдат менән хушлашыу митингыһында ҡатнашҡан район хакимиәте башлығы Артур Зарипов яҡындарының ҡайғыһын уртаҡлашып: 
- Һәр саҡ яҡташыбыҙҙың иҫтәлеген хәтерҙә тоторбоҙ. Йәне йәннәттә, ауыр тупрағы еңел булһын. Яҡындарының, туғандарының оло ҡайғыһын уртаҡлашам, - тине.

"Дим буйҙары" гәзите һалдаттарҙың яҡындарының, балаларының ҙур ҡайғыһын уртаҡлаша.