Изге Рамазан айына бағышланылар

Был – ислам диненең биш нигеҙенең береһе. Тап бына ошо ваҡытта Мөхәммәт пәйғәмбәргә Ҡөрьән тапшырылған, тип һанала. Бөйөк Пәйғәмбәр һымаҡ мосолмандар ураҙа тота һәм Аллаһы Тәғәләне маҡтап доға ҡыла.

Рамазан айы етеү  менән кескәйҙәрҙе һәм уларҙың ата-әсәләрен мосолман диненә нығыраҡ йәлеп итәһем килде, - ти Бишбүләктәе Эльнара Суфиянова. – Ата-әсәләр үҙҙәренең балаларына был ҙур байрамдың мәғәнәһе тураһында һөйләргә һәм шул уҡ ваҡытта, әлбиттә, ни өсөн ураҙа тоторға кәрәклеген аңлатырға тейеш. Һәм шул ваҡытта балаларҙы дини ваҡиғаның образлы күҙаллауы тыуырға тейеш. Тап бына шуның өсөн беҙҙең “Теремок” ғаилә хәләл кафеһында махсус балалар рәсемдәре конкурсы ойошторолдо. Балаларға был тантананың темаһын үҙ рәсемдәрендә төрлө төҫтәге буяуҙар аша асырға тырышырға кәрәк ине.

Эльнара Суфиянова өсөн бындай ижад конкурстары уның рухы һәм мауығыуҙары донъяһы менән яҡын. Ул бала саҡтан уҡ рәсемдәр яһарға һәм натюрморттар, пейзаждар төшөрөргә ярата һәм үҙен портрет төшөрөүҙә лә һынап ҡарай. 2007 йылда Нижневартовск ҡалаһында сәнғәт мәктәбен тамамлай. 2014 йылда тап бына уның тәҡдиме һәм ойошторолоуы менән район үҙәгендә балаларҙың графити стилендәге рәсемдәр конкурсы (бина һәм ҡоролма стеналарында буяуҙар менән рәсемдәр яһау) ғәмәлгә ашырылды. Бишбүләк ауылында “Суфаэль” кафеһы тирәһендә мәктәптәр һәм райондың талантлы уҡыусылары менән бергәләшеп, таш плитәләр яһалды. Йәш рәссмадарҙың барлыҡ эштәре Бөйөк Еңеүҙең 80-йыллығына бағышланды.

Рамазан айына бағышланған рәсемдәр конкурсында райондың төрлө ауылдарынан  16 йәшкә тиклемге 17 малай һәм ҡыҙ ҡатнашты, ти Эльнара Тимербай ҡыҙы. – Миәкә районынан да балалар рәсемдәр ебәрҙе. Мин был турала уйланым һәм шулай хәл иттек: призерҙар һәм еңеүселәрҙе билдәләмәҫкә, ә бар ҡатнашыусыларға ла бүләктәр тапшырырға булдыҡ. Беҙ бит бергәләп, бик яҡшы эш башҡарҙыҡ.

Владимир Смолов,

Автор фотоһы.