Геройҙар онотолмай

Афған һуғышы яугирҙәре, Бишбүләк ауылының 1-се урта мәктәбенең йәш армиясылары, Егоровка ауылы халҡы hәм туғандары Афғанстанда хәрби бурысын үтәгәндә батырҙарса hәләк булған Владимир Иванович Исаев хөрмәтенә иҫтәлекле таҡта ҡуйҙы

Афғанстанда интернациональ бурысын үтәүҙә ҡатнашҡан барлыҡ ветерандарҙың тыуған  йортона (урам яғында) иҫтәлекле таҡталар урынлаштырыу буйынса үткән йылдың көҙөндә башланған күркәм традицияның үҙ әһәмиәте бар. Бишбүләк районынан 1979-1989 йылдарҙа Афған һуғышында 114 кеше ҡатнашҡан, шуларҙы өсәүһе һәләк булған. Былар — Егоровка ауылынан Владимир Исаев, Дүсән ауылынан Кашапов Марсель һәм Вишневка ауылынан Владимир Яковлев. Вилмир Әхнәф улы Әхмәтйәнов етәкселегендәге Афған һуғышы ветерандары Советының инициативалы эше һөҙөмтәһендә үткән аҙнала Ҡыҙыл Йондоҙ ордены менән бүләкләнгән (үлгәнән һуң) Исаев Владимир хөрмәтенә иҫтәлекле таҡтаташ ҡуйылды. Уның ата-әсәһенең ҡаралты-ҡуралары менән ыҡсым ғына өйө яҡшы һаҡланған.

Билдәленгән ваҡытҡа Егороваға район хакимиәте башлығының төҙөлөш һәм торлаҡ-коммуналь хужалыҡ мәсьәләләре буйынса урынбаҫары Максим Рәшит улы Әсәҙуллин, Афғанстанда һуғыш хәрәкәттәре ветерандары, йәш армиясылар менән педагогтар, Баҙлыҡ ауыл Советы вәкилдәре, Владимир Исаевтың туғандары һәм ауыл халҡы килде. Тантаналы митингыны Афған һуғышы ветерандары Советы рәйесе Вилмир Әхмәтйәнов асып ебәрҙе һәм һүҙҙе Максим Әсәҙуллинға бирҙе. Максим Рәшит улы был сараны Бөйөк Еңеүҙең  81-йыллығы уңайынан уздырылган күптәнге тантаналар менән бәйләне. Афғанстандағы һуғыш ветерандары ата-бабаларының шанлы һуғышсан традицияларын дауам итеүселәр булып тора. Йәше буйынса  улар үҙҙәре лә хәҙер бабайҙар һәм үҫеп килеүсе быуын өсөн батрылыҡҡа һәм ҡаһарманлыҡҡа лайыҡлы үрнәк булып торалар. Өҫтәүенә, бындай сара 2022 йылдан башлап илдең көнбатыш дөйөм Рәсәй ерҙәрен Украина милләтселәренән азат итеү буйынса махсус хәрби операция уҙғырылғанда актуаль. Бер хәрби частә, әммә төрлө саҡырылыштарҙа Исаев менән һуғышҡан, «Батырлыҡ өсөн» миҙалы менән бүләкләнгән танк командиры Ермолиндан Петр Клементьев Туймуков, бер туған ағаһы тураһында истәлекләре менән һеңлеһе уртаҡлашты.

Афған һуғышы ветерандары Советы рәйесе Вилмир Әхнәф улы сараны йомғаҡлап, иҫтәлек таҡталары тиҙҙән Вишневка һәм Дүсән ауылдарында ла ҡуйыласағын әйтеп үтте. Ул Бишбүләк ауылында йәшәүсе бағыусы Федор Александрович Сидоровка иҫтәлек таҡталары яһау өсөн матди ярҙам күрһәткәне өсөн рәхмәт белдерҙе. Беҙ геройҙарҙың исемдерен иҫтә тоторға тейеш. Был хоҡуҡты улар үҙ ғүмерләре бәрәбәренә, үлемһеҙлеккә аҙым яһап, алдылар. Митинг иҫтәлекле фотаға төшөү менән тамамланды.

Владимир СМОЛОВ.

Автор фотолары.