Республикала пилотһыҙ дрондар өсөн һынау режимы буласаҡ

ЭПР буйынса дрондар йөк ташыуға, ауыл хужалығы ҡоротҡостарына, урманды законһыҙ ҡырҡыуға һәм янғындарға ҡаршы көрәштә, авиахимик бурыстарҙы үтәүҙә ҡулланыласаҡ. Андрей Назаров белдереүенсә, тап шуның менән Башҡортостан ошо режим булдырылған төбәктәрҙән айырылып тора.

«Төп бурыс — ауырлығы 30 кг-нан ашҡан пилотһыҙ авиасистемаларҙы ҡулланыуҙы сикләүҙе сисеү. Был ҡарар иҡтисади яҡтан бик отошло. Беҙ республиканың алыҫ төбәктәре менән миҙгелгә ҡарамайынса бәйләнештә була аласаҡбыҙ», — тине БР премьер-министры.

Башҡортостанда ЭПР өс йыл ваҡытҡа индереләсәк.

https://www.bashinform.ru