Башҡортостан 113 ил менән сауҙа алып бара

Башҡортостан Хөкүмәтенән хәбәр итеүҙәренсә, республика Премьер-министры Андрей Назаров Рәсәй Премьер-министрының беренсе урынбаҫары Андрей Белоусов етәкселегендә “Халыҡ-ара кооперация һәм экспорт” милли проектын тормошҡа ашырыу буйынса кәңәшмәлә ҡатнашты.

– 2019 йылда Башҡортостан 2.0 Төбәк экспорт стандартын ғәмәлгә индереү буйынса 11 пилот төбәк исемлегенә инде. Уҙған йыл аҙағында беҙ уның барлыҡ 15 талабын тулыһынса тормошҡа ашыра алдыҡ. Ошо нигеҙҙә шулай уҡ “Экспортлы 5С” тышҡы хужалыҡ эшмәкәрлеген үҫтереү буйынса төбәк концепцияһы эшләнек.

Әлбиттә, күрһәтелгән эшмәкәрлек тышҡы иҡтисади үҫешкә йоғонто яһаны. Башҡортостан 113 ил менән сауҙа алып бара. Уның әйләнеше 2021 йыл кимәленән 15,8 процентҡа юғары. Тауар әйләнешенең 80 проценттан ашыуы экспортҡа тура килә. Шул уҡ ваҡытта сеймал булмаған энергияға ҡарамаған экспорттың көтөлгән йыллыҡ күләме 2021 йыл күрһәткесенең 25 процентына артырға тейеш. Был экспорттың дөйөм күләменең яҡынса 70 процентын тәшкил итә.

Ғөмүмән, беҙ Рәсәй Президентының майҙағы 204-се указында ҡуйылған сеймал булмаған энергияға ҡарамаған тауарҙар экспорты күләмен 2024 йылға ике тапҡырға арттырырға тигән бурысты үтәйбеҙ, – тине Андрей Назаров.

Шулай уҡ республика Хөкүмәте Премьер-министры Төбәк экспорт стандарты приборҙарын ҡулланыу юғары һөҙөмтәлелек күрһәткән айырым йүнәлештәрҙе билдәләп үтте.

Беренсе йүнәлеш. Тышҡы баҙарҙа ҡатнашыуҙы тәьмин итеү. Был стандарттың 7-се ҡоралы. Уның сиктәрендә Башҡортостан вәкилдәренең сит илдәрҙә селтәре булдырыла.

Икенсе йүнәлеш. Потенциаль сит ил контрагенттары менән эшлекле мөнәсәбәттәрҙе киңәйтеү. Был - экспорт стандартының 11-се ҡоралы.

Өсөнсө йүнәлеш. Экспортҡа булышлыҡ итеү. Стандарттың бер нисә ҡоралын үҙ эсенә ала.

Дүртенсе йүнәлеш. Экспортты үҫтереү буйынса төбәк программаһы стандартының 4-се ҡоралы сиктәрендә эшләү һәм тормошҡа ашырыу.

Тулы мәғлүмәт менән ошо һылтанма аша таныша алаһыҙ: Андрей Назаров рассказал о внедрении Регионального экспортного стандарта (pravitelstvorb.ru)

Фото һәм мәғлүмәт сығанағы: pravitelstvorb.ru

https://bashgazet.ru