Сит илдән ҡайтыусылар ПЦР-тест тапшырасаҡ

Анна Казак сит илдән ҡайтыусыларҙы коронавирусҡа ПЦР-тест тапшырыу тураһында иҫкәртә. Улар мотлаҡ ПЦР-тест бирергә һәм уның һөҙөмтәһен Дәүләт хеҙмәттәренә ҡуйырға тейеш.

Сит илдән ҡайтҡандарға коронавирусҡа ПЦР-тест тапшырырға һәм уның һөҙөмтәһен Дәүләт хеҙмәттәренә һалырға кәрәк. Әгәр ярты йыл эсендә вакцина яһатмаған йәки ковид менән ауырымаған осраҡта. Башҡортостан хөкүмәтенең Республикаға идара итеү үҙәгендәге оператив кәңәшмәһендә республика буйынса Роспотребнадзор етәксеһе Анна Казак ошо турала һөйләне.

Уның һүҙҙәренсә, 2 июлдә илдә ковид сикләүҙәрен ғәмәлдән сығарыуға ҡарамаҫтан, ата-әсәләргә балалар учреждениеларында ойошторолған күп кеше ҡатнашлығындағы сараларға йөрөүен тыйған кеүек үк, был талап та һаҡлана.

https://www.bashinform.ru