Дим буйҙары
+21 °С
Болотло
Бөтә яңылыҡтар
ЙӘМҒИӘТ
7 Февраль 2023, 18:24

Рөстәм Нәбиевкә өс операция яһаясаҡтар

"Күбеһен һөйләмәйем, өндәшмәй ҡалдырам, сөнки минең өсөн борсолоуҙарын һәм ғәйепләүҙәрен теләмәйем", - тип яҙҙы ул. 

Рөстәм Нәбиевкә өс операция яһаясаҡтар
Рөстәм Нәбиевкә өс операция яһаясаҡтар

Блогер Рөстәм Нәбиевтең Көньяҡ Америкалағы иң бейек тауҙарҙың береһен – Аконкагуа түбәһен яулауы тураһында хәбәр иткәйнек. Был Рөстәм тарафынан ҡулдары ярҙамында хәрәкәт итеп яуланған алтынсы тау булды.

Ҡатмарлы, оҙайлы сәфәрҙән ҡайтҡас, блогер үҙенең Телеграм-каналында хәл-әхүәле менән уртаҡлашты.

“Быйыл беҙ Эверестҡа барырға тейеш инек, әммә һаулығымдың ҡаҡшауын тоям. Мин ныҡ арыным. Һәр ваҡыт юлда булыуҙан арыным. Мин үҙемде тауҙарҙа ҡалдырам бит. Һәр тауға менеү минән иҫ киткес көс талап итә. Күп нимәләр тураһында һөйләмәйем, күбеһен әйтмәй ҡалдырам, сөнки минең өсөн борсолоуҙарын һәм ғәйепләүҙәрен теләмәйем.

Быйылғы йылды үҙемә һәм сәләмәтлегемә бағышлайым. Әле миңә өс операция үткәрергә кәрәк: яурынбашыма, урология һәм оториноларингология буйынса. Киләсәккә пландар күп. Мин уларҙы тормошҡа ашырасаҡмын”, - тип яҙҙы Рөстәм.

Яҡташыбыҙға ныҡлы һаулыҡ, уй-ниәттәренең тормошҡа ашыуын теләйбеҙ!

Сығанаҡ һәм фото: vk.com/wall

https://bashgazet.ru

Рөстәм Нәбиевкә өс операция яһаясаҡтар
Рөстәм Нәбиевкә өс операция яһаясаҡтар
Автор:
Читайте нас: