Майҙа эшкәртелгәне зыянлы

Был, әлбиттә, һаулыҡ, айырыуса ашҡаҙан-эсәк юлдары өсөн бик зыянлы. Шуға күрә киптерелгән емеш-еләк һайлағанда иғтибарлыраҡ булығыҙ:уларҙың махсус майҙар менән эшкәртелеүе күренеп тора. Шуға күрә бөрөшөп кипкән, ҡоро һәм ялтырап тормаған емештәрҙе һатып алырға тырышығыҙ. Ҡояшта киптерелгән емештәр генә файҙалы. Ультра нурҙар менән киптерелгән емештәр ҙә һаулыҡ өсөн зыянлы. Бындай технологиянан емештәрҙәге С һәм В витаминдары тарҡала. Өҫтәүенә, уларҙың ҡайһыларын ҡайнар һыуҙа бешекләп алалар, был иһә уларҙа А витаминының юғалыуына килтерә. Көрән һоро төҫкә ингән ҡара емеште һәм бөләңгерт күрәгәне алмағыҙ. Өрөк кеүек һөйәкле емештәрҙә витаминдар күберәк һаҡлана икәнлеген дә белеп ҡуйығыҙ.