Кәбеҫтәне нисек һаҡларға?

Кәбеҫтәне йәшелсә һаҡлау урынында, подвалда, баҙҙа рәт менән 2-3 ҡат итеп теҙеп, йәки элеккесә, ҡаҙаҡҡа элеп һаҡлайҙар. Шулай уҡ таҡталарҙан эшләнгән һәм киңлеге — 1, бейеклеге 0,5-0,6 метр булған тартмаларға кәбеҫтә баштарын пирамида рәүешендә теҙеп сығырға мөмкин.

Ҡалын ҡағыҙға төрөлөп ҡуйылған кәбеҫтә баштары ҡыш буйына подвалда яҡшы һаҡлана. Тик унда һуң өлгөрә торған сорттарҙы ғына ҡуйырға кәрәк. Кәбеҫтә оҙаҡ һаҡланһын, тиһәгеҙ, иң тығыҙ, еткән һәм боҙолмағандарын ғына һайлап алығыҙ, ә күсәнен 3 сантиметр самаһы ҡалдырырға кәңәш ителә.

Кәбеҫтәне температура 0...1 градус, һауа дымлылығы 90-95 процент булган урында һаҡлайҙар.

kiziltan.rbsmi.ru