+18 °С
Облачно
Общие статьи
1 Ноября 2019, 05:53
Яман шешкә ҡаршы...
Ни өсөн помидорҙың һары төҫтәгеһен ашарға тәҡдим итәләр? Был йәһәттән әйтелгәндәргә ҡолаҡ һалайыҡ һәм сәләмәт булайыҡ!
Һары помидорҙы баҡсасылар айырыуса яратып үҫтерә. Уның ҡыҙылына ҡарағанда файҙалыраҡ булыуын күптәр белмәйҙер әле.
Был йәшелсә төрө әсе түгел, шуға ла ашҡаҙан ауырыуынан, аллергиянан яфаланған кешеләр уны рәхәтләнеп ашай ала. Һары төҫтәге помидорҙа А провитамины күп, ул организмда А витаминына әүерелә. Шулай уҡ ҡан йөрөшөн яҡшыртҡан фолий кислотаһына ла бай. Иң мөһиме – һары помидорҙа яман шешкә ҡаршы көрәшеүсе ретинол күп.
Күҙгә, сәскә, тырнаҡҡа ла файҙалы. Уның составындағы В витамины тирене яҡшырта, нервы системаһын көйләй.
Һары помидор итләс һәм бик тәмле була, фитофторозға ла бирешеп бармай.
