Салатты әҙерләү өсөн тауыҡ ите, һигеҙ шампиньон бәшмәге, бер баш һуған, 160 грамм ҡыҙыл фасоль, ике йомортҡа, майонез, ә биҙәүгә дүрт шампиньон бәшмәге кәрәк.
Кистән фасолгә һыу ҡойоп ҡуябыҙ, бүртеп сығырға тейеш. Иртәнсәк әҙер булғансы бешерәбеҙ. Артабан тауыҡ итен тоҙло һыуҙа бешереп һыуытабыҙ. Биҙәү өсөн бәшмәктәрҙе дүрткә бүләбеҙ. Ә башҡа бәшмәктәрҙе һалам формаһында турап, тоҙ һалып, һуған менән бергә ҡыҙҙырабыҙ. Йомортҡаларҙы бешерәбеҙ. Ҡатлап һала башлайбыҙ.
Беренсе ҡатына - ит, майонез. Икенсегә - ҡурылған бәшмәк менән һуған, майонез. Өсөнсөгә - фасоль, майонез. Дүртенсегә - йомортҡа. Был ҡатҡа фасоль ҡушырға мөмкин. Артабан салатты ҡалған бәшмәк менән биҙәп, ике сәғәткә һыуытҡысҡа оҙатабыҙ.