Дим буйҙары
-24 °С
Болотло
75 лет Победы
Бөтә яңылыҡтар
ИҠТИСАД
19 Август 2019, 17:17

Өфө - Аэропорт юлы идеаль торошта булырға тейеш!

БР Хөкүмәтенең бөгөнгө оператив кәңәшмәһендә республика башлығы вазифаһын ваҡытлыса башҡарыусы Радий Хәбиров байтаҡ яуаплы етәкселәрҙе тәнҡитләне.

Мәҫәлән, юл ситтәрендә сабылмаған үлән өсөн дә эләкте. Хатта ситтә лә түгел, беҙҙең ҡайһы бер трассаларҙа юл уртаһында бесән шаулап үҫә. Был бик дөрөҫ иҫкәртеү.

Радий Хәбиров белдереүенсә, Дим КПМ-ы тапҡырындараҡ, юл уртаһында, бүлеү һыҙатында үлән бейек булып үҫкән. Радий Фәрит улы Благовещен районына эш сәфәрен юлланғанда күреп аптыраған. "Әгәр ҙә мин бармаһам?!" - тип ҡәнәғәтһеҙлеген белдерҙе ул.

- Тағы бер тапҡыр иҫкәртәм, - тине Хәбиров, - Өфө - Аэропорт юлы идеаль торошта булырға тейеш. Шул иҫәптән юл ситтәре лә. Үләнен хет көн һайын сабығыҙ, сүп-сарын даими йыйығыҙ, тиҙәк тураһында һүҙ ҙә юҡ.

Юл торошо өсөн яуаплы етәкселәр аҙна һайын тикшереүгә сығырға тейеш.
Читайте нас в