+20 °С
Облачно
ИҠТИСАД
20 Августа 2019, 02:48
Милли проект: тағы бер юл сафҡа инде
“Хәүефһеҙ һәм сифатлы автомобиль юлдары” милли проектын тормошҡа ашырыу сиктәрендә республикала быйыл 151 объектта эш башҡарыу планлаштырыла.
Төбәк һәм муниципаль-ара әһәмиәттәге 24 автомобиль юлы участкаһы, Өфө, Стәрлетамаҡ, Салауат, Ишембай ҡалаларында, Өфө, Ҡырмыҫҡалы, Кушнаренко, Стәрлетамаҡ райондарында 55 урам-юл селтәре ремонтланасаҡ.
Дәүләт комиссияһы III категория төбәк әһәмиәтендәге Кушнаренко районындағы Кушнаренко – Саҡмағош – Баҡалы юлының участкаһын ремонттан һуң ҡабул итте. Урында юл лабораторияһы ла эшләне.
Ремонт быйыл май айында башланғайны. План буйынса ул сентябрь аҙаҡтарында тапшырылырға тейеш булһа ла, юлсыларҙың өлгөрлөгө эште тиҙерәк тамамлауға килтерҙе. Унда 30 эшсе, 15 берәмек техника ҡатнашты. Юл йүнәтеүҙе “Инфодорстрой” яуаплылығы сикләнгән йәмғиәте башҡарған.
#национальныепроекты;
#нацпроекты;
#региональныепроекты;
#регпроекты;
#нацпроектыБашкортостан;
#ВладимирПутин
