Дим буйҙары
-21 °С
Болотло
75 лет Победы
Бөтә яңылыҡтар
МӘҘӘНИӘТ
3 Июль 2018, 18:06

Башҡортостанда халыҡ сәнғәт кәсептәренә ярҙам итеү тураһында закон үҙ көсөнә инә

Башҡортсостан Республикаһы Дәүләт Йыйылышы – Ҡоролтай тарафынан ҡабул ителгән “Башҡортостан Республикаһы “Халыҡ сәнғәт кәсептәре тураһында” Законының 4-се статьяһына һәм Башҡортостан Республикаһының “Мәҙәниәт тураһында” Законының 36 статьяһына үҙгәрештәр индереү тураһында” закондары үҙ көсөнә инде, улар тарафынан дәүләт власы органдарына халыҡ сәнғәт кәсептәре ойошмаларына ярҙам күрһәтеү хоҡуғы билдәләнгән.

Халыҡ кәсептәре ул – иҡтисадҡа ҡарағанда, күпселек дәрәжәлә мәҙәниәт өлкәһенә ҡарай торған тармаҡ. Халыҡ кәсептәренең күпселек тауарҙары – берәмләп ҡулдан яһалған әйберҙәр. Был бик күп көс һәм ваҡыт талап итә торған хеҙмәт, ә уға ҙур аҡсалар түләргә теләүселәр бик аҙ. Әлбиттә, халыҡ сәнғәт кәсептәре дәүләт ярҙамына мохтаж, - тип аңлатма бирә Башҡортостан Республикаһы Дәүләт Йыйылышы – Ҡоролтай рәйесе Константин Толкачев. – Сәнғәт кәсептәренә ярҙам итеүтураһындағы мәсьәлә алдан тикшерелде һәм федераль дәрәжәлә уңай хәл ителде. Башҡортостан парламенты республика законсылығында әлеге норманы үҫтереүҙе ҡабул итте. Рәсәйҙә иң күп милләтле төбәктәрҙең береһе булараҡ беҙҙең өсөн бындай норма айырыуса көнүҙәк. Барыһы ла үҙҙәренең мәҙәни традицияларын. Шул иҫәптән халыҡ сәнғәт кәсептәрен һаҡлап ҡалыу яҡлы.

Ҡабул ителгән законға ярашлы дәүләт ярҙамы хоҡуғын аласаҡ халыҡ сәнғәт кәсебе ойошмалары исемлеге Рәсәй Хөкүмәте башҡарма комитеты федераль органының уполномоченныйҙары тарафынан раҫлана.

Башҡортостан Республикаһы Дәүләт Йыйылышы – Ҡоролтай пресс-үҙәге.