Курил утрауҙарынан баш тартырбыҙмы?

“Алда ике яҡ өсөн дә тейешле ҡарар ҡабул итеү буйынса ентекле эш тора, килешеү шарттары беҙҙең халыҡтар тарафынан ҡабул ителергә тейеш”, — тигән ул.

Ике башлыҡтың һөйләшеүҙәре өс сәғәт барған. Рәсәй яғы, Тыныслыҡ тураһында килешеү төҙөү өсөн Токионың Икенсе Бөтә донъя һуғышы һөҙөмтәләрен тулыһынса таныуы мотлаҡ, тип белдерә.

Япония Премьер-министры бер нисә тапҡыр Курил утрауҙары темаһын күтәргән. 7 ғинуарҙа ул атаһы ҡаберендә әлеге утрауҙарҙы ҡайтарырға ант иткән. Атап әйткәндә, Абэ Токиоға Шикотан һәм Хабомаи утрауҙарын ҡайтарған осраҡта, үҙ иленең ҡайһы бер юл ҡуйыуҙарға барасағын белдергән.

Ләкин бит ул утрауҙарҙа Рәсәй халҡы йәшәй! Шикотанда йәшәүсе өс мең тирәһе кешенең 80 проценты — рустар! Хәйер, был мәсьәлә былай еңел генә хәл ителмәҫ әле...