Торлаҡ төҙөү артасаҡ

2024 йылға Башҡортостанда йыл һайын файҙаланыуға тапшырылыусы торлаҡ күләмен 3,7 миллион квадрат метрға тиклем арттырырға кәрәк, тип билдәләп үтелде республика Хөкүмәтендә Рәсәй Президентының Иҙел буйы федераль округындағы Тулы вәкаләтле вәкиле Игорь Комаров ҡатнашлығында уҙған кәңәшмәлә.

- “Торлаҡ” проекты сиктәрендә Рәсәй Төҙөлөш министрлығы республикала йыл һайын торлаҡ тапшырыу күләмен шаҡтай арттырырға - 2024 йылға 3,7 миллион квадрат метрға ҡәҙәр еткерергә ҡушты, — тине Башҡортостан Башлығы вазифаһын ваҡытлыса башҡарыусы Радий Хәбиров. - Беҙ стандарт торлаҡ төҙөлөшөн стимуллаштырасаҡбыҙ, инженерлыҡ һәм социаль инфраструктуралы мәйҙансыҡтар әҙерләйәсәкбеҙ, норматив-хоҡуҡи базаны камилләштырасаҡбыҙ, төҙөүселәргә административ йөкләмәне кәметәсәкбеҙ.

Республика шулай уҡ ипотека ставкаларын кәметергә ниәтләй. Беҙҙең торлаҡ төҙөү системаһын индереү буйынса яҡшы тәҗрибәбеҙ бар. Хәҙер беҙ йыллыҡ 6,7 процент ставкаларға ирештек. Уны 5-5,5 процентҡа еткерергә планлаштырабыҙ.

Читайте нас