Хәүефһеҙлек мәсьәләләре буйынса халыҡ-ара конференция

«17-20 июндә Өфөлә терроризмға ҡаршы көрәш, мәғлүмәти хәүефһеҙлек өлкәһендә үҙ-ара килешеп эш итеү, ғәҙәттән тыш гуманитар ярҙам күрһәтеү өлкәһендә хеҙмәттәшлек темаларын тикшерергә ниәтләйбеҙ. Бынан тыш, форумдың көн тәртибенә «ҡатнаш янауҙарҙың» күбәйеүе шарттарында дәүләттәрҙең тотороҡло социаль-иҡтисади үҫеше мәсьәләләрен дә индерәбеҙ», — тине Патрушев «Известия» гәзитенә интервьюһында.

Рәсәй мөнәсәбәттәрҙе үҙ-ара файҙалы шарттарҙа төҙөй, тип билдәләне ул. Патрушев һүҙҙәренсә, форумда йылдан-йыл күберәк илдәр ҡатнаша.

«Былтыр Сочиҙағы осрашыуҙа 118 дәүләт ҡатнашты, күпселеге — хәүефһеҙлек советтары секретарҙары, профилле министрҙар, махсус хеҙмәттәрҙең етәкселәре кимәлендә. Был илдәрҙең халыҡ-ара хәүефһеҙлек янауҙары һәм саҡырыуҙары менән көрәшеү өсөн көстәрҙе берләштереүгә ҡыҙыҡһыныуын раҫлай», — тине Патрушев.

http://www.bashinform.ru