Путин иҡтисади күрһәткестәр менән ҡәнәғәт

Рәсәй Президенты Владимир Путин Рәсәйҙәге иҡтисади тенденцияларҙан ҡәнәғәт, әммә үҫеш тиҙлеген арттырырға кәрәк, тип талап итә.

"Рәсәй иҡтисади үҫештең уңай тиҙлеген һаҡлай, был тенденция инде 13-сө квартал рәттән дауам итә", — тине дәүләт башлығы иҡтисади мәсьәләләр буйынса кәңәшмәлә. Ул ғинуар-май айҙарында һөҙөмтәләрҙе миҫалға килтереп, улар буйынса эске продукт 0,6 процентҡа, сәнәғәт етештереү күләме 2,4 процентҡа артҡан, — тип билдәләне.ъ

"Шуның менән бергә, тотороҡло һәм, иң мөһиме, динамик үҫешкә ирешергә кәрәк", — тип асыҡланы Владимир Путин, бының өсөн дөйөм макроиҡтисади тотороҡлоҡто тәьмин итергә, дәүләт финанстарының тотороҡлоғон һаҡларға, инфляцияны 4 процентҡа ҡайтарырға, эшһеҙ граждандар һанын кәмеүен тәьмин итергә кәрәк, тине.

"НДС һалымын күтәреү аҡлана башланы, бер аҙ инфляция кәмене", — тип өҫтәне ил етәксеһе. Ул шулай уҡ эшһеҙлек түбән дәрәжәлә (4,5 %) булыуын билдәләп үтте.

#ВладимирПутин