+15 °С
Дождь
СӘЙӘСӘТ
8 Августа 2019, 04:06
Башҡортостанда киләһе эш аҙнаһы ҡыҫҡа була
Республикала киләһе эш аҙнаһы Ҡорбан байрамына бәйле бер көнгә ҡыҫҡараҡ була.
Быйыл Ҡорбан байрамы 11 авгусҡа тура килә. Шуға күрә өҫтәмә ял көнө дүшәмбе 12 авгусҡа күсерелә, тимәк, бер юлы өс көн рәттән — 10, 11 һәм 12 августа ял итергә мөмкин.
«Башинформ» агентлығы хәбәр иткәнсә, 2019 йылда Башҡортостан халҡын 121 ял көнө көтә.
Ҡорбан байрамынан һуң 11 октябрь — Республика көнө, быйыл ул йомаға тап килә. Августағы кеүек үк, республикала йәшәүселәр өс көн рәттән: 11, 12 һәм 13 октябрҙә ял итә.
