Путин ниндәй программанан файҙалана?

Британияның The Guardian баҫмаһы журналистары эш компьютерҙарында Рәсәй Президенты Владимир Путиндың “Microsoft”тың иҫкергән операциялар системаһын – Windows XP ҡулланыуын күреп ҡалған.

Улар билдәләүенсә, Владимир Путиндың Кремлдәге, шулай уҡ Яңы Огаревола урынлашҡан рәсми резиденцияһындағы компьютерҙарына ла “Windows”тың яңыртылмай торған версияһы ҡуйылған. Ике компьютерҙағы фонда Кремль башняһы сағыла. Журналистар әйтеүенсә, “Microsoft” компанияһы Windows XP һәм 2003 йылғы Office өсөн хәүефһеҙлек сараларын даими яңыртыуҙы 2014 йылдың апрелендә туҡтатты. Ойошманың сайтында бындай компьютерҙарға хәүеф һәм вирустар янауы тураһында иҫкәртеү бирелгән.

Шул уҡ ваҡытта Президент Хакимиәте хеҙмәткәрҙәре Владимир Путиндың интернеттан һирәк файҙаланыуы тураһында белдергәйне. Бер нисә йыл элек кенә дәүләт башлығы селтәрҙе “ЦРУ проекты” тип тә атағайны.

#ВладимирПутин

Читайте нас