Дим буйҙары
-18 °С
Болотло
75 лет Победы
Бөтә яңылыҡтар
СПОРТ
10 Июль 2019, 14:09

Балалар уйындарына яңы спорт төрҙәре индерелде

Һүҙ грек-рим көрәше һәм ҡаяға үрмәләү хаҡында бара. Был спорт төрҙәре беренсе тапҡыр Халыҡ-ара балалар уйындары исемлегенә индерелгән.

Спортсыларҙың ҡаяға нисек менеүен күргегеҙ килһә, Өфөләге “Ватан” паркына килегеҙ. Ә бына грек-рим көрәшен ҡарайым тиһәгеҙ, Өфөнөң Ҡамышлы урамындағы Спорт әҙерлеге үҙәгенә рәхим итегеҙ. Ошонда уҡ йөҙөү, еңел атлетика, фехтование буйынса ярыштарҙы тамаша ҡылырға мөмкин. “Ҡашҡаҙан” мәҙәниәт һәм ял паркында пляж волейболы һәм баскетбол буйынса уйындар үтәсәк.

Ойоштороу комитеты Халыҡ-ара балалар уйындары комитетының бар талаптарын үтәгән. Олимпия уйындарының туғыҙ төрө буйынса барыһы 433 миҙал уйнатыласаҡ.

Автор: А. НИЗАМОВА.
Читайте нас в