Өфөлә йәшәһәң ине...

Һуңғы 9 йылда Өфөлә йәшәүселәр һаны 99 мең 378 кешегә артҡан.

Дәүләт статистикаһы бүлеге начальнигы Оксана Даянова белдереүенсә, ағымдағы йылдың ғинуарында Өфөлә 1 миллион 132 мең кеше йәшәүе мәғлүм булған.

Һуңғы 15 йылда баш ҡалала тыуыусылар һаны ла даими артҡан. 2016 йылда ғына 18 мең 137 сабый дөнъяға килгән. Был законлы никахҡа инеүселәрҙең артыуына бәйле. 2017 йылда 9 мең 681 ғаилә барлыҡҡа килгән. Шул йылда айырылышыу осраҡтары, киреһенсә, 2,8 процентҡа кәмегән.