Дим буйҙары
-22 °С
Болотло
75 лет Победы
Бөтә яңылыҡтар
ЙӘМҒИӘТ
8 Октябрь 2018, 23:18

Башҡортостан – Географик диктантҡа майҙансыҡтар иҫәбе буйынса алдынғы

11 ноябрҙә бөтә ил буйынса Географик диктант уҙа. Рус географик йәмғиәтенең Бағыусылар советы рәйесе Владимир Путин инициаторы булған акция дүртенсе тапҡыр үтә.

Бөгөн Географик диктантты ҡабул итәсәк майҙансыҡтарҙы теркәү дауам итә. Юбилейлы 1000-се майҙансыҡ Сызрань ҡалаһында Губерния колледжы базаһында урынлаша.

«Бөгөнгө көнгә теркәлгән майҙансыҡтар иҫәбе буйынса Башҡортостан Республикаһы шикһеҙ лидер булып тора – бында акцияны уҙғарыу өсөн 175 пункт асылған. 100 майҙансыҡ Ставрополь крайында теркәлгән. Өсөнсө урынды Татарстан Республикаһы, Краснодар крайы, Мәскәү ҡалаһы һәм өлкәһе бүлешә – һәр төбәктә 50-шәр майҙансыҡ», — тип билдәләнеләр Рус география йәмғиәтендә.

Үҙ белемен рәсәйҙәр генә түгел, Аргентина, Көньяҡ Африка Республикаһы, Тайланд, Норвегия, Дания, Франция, Испания, Италия, Төркиә, Финляндия, Эстония, Азербайжан һәм башҡа илдәр халҡы ла тикшерә ала.