Ай-һай еңербеҙме?

Хөкүмәт ҡаршыһындағы Эксперттар советы 100 мең кешегә 50 сауҙа нөктәһе ҡалдырырға тәҡдим итә. Был "Демография" дәүләт проектының бер өлөшө буласаҡ.

Маҡсаты - 2030 йылға рәсәйҙәрҙең ғүмер оҙонлоғон 80 йәшкә ҡәҙәр еткереү. Бөгөн ул 72,7 йыл тәшкил итә.

Алкоголде һәм тәмәкене артыҡ күп ҡулланыу - үлемдең төп сәбәпсеһе. Рәсәйҙә был айырыуса ныҡ һиҙелә, тигән фекерҙә эксперттар.

Әле Рәсәйҙә 100 мең кешегә араҡы һатыусы 120 магазин тура килә. Әйтәйек, Скандинавиялә шул ҡәҙәр кешегә 15 магазин алкоголь һата.

Беҙҙә магазиндар һанын ҡыҫҡартып ҡына был проблеманы еңеп булырмы икән? Ай-һай...