9 меңдән ашыу кеше тауыш биргән

Өфө аэропортына дәғүә иткән исемдәр: ике тапҡыр Советтар Союзы Геройы Муса Гәрәев, халыҡ шағиры, яҙыусы Мостай Кәрим һәм башҡорттарҙың милли батыры Салауат Юлаев.

Бер тәүлек эсендә великиеимена.рф сайтында Өфө аэропорты өсөн 9 155 кеше тауыш биргән: 5 147-һе — Муса Гәрәевҡа, 1 493-ө — Мостай Кәримгә һәм 2 515-е — Салауат Юлаевҡа. Тауыш биреү һөҙөмтәләре Мәскәү ваҡыты буйынса көндөҙгө сәғәт 12-нән дә һуңға ҡалмайынса тәүлегенә бер тапҡыр яңыртып торола.

Алдан хәбәр ителгәнсә, теләгән һәр кем дөйөм исемлектәге бер аэропортты һайлап, «бер тауыш – бер аэропорт – бер исем» принцибы буйынса бер исем өсөн тауыш бирә ала. Тауыш ҡалдырыу өсөн ойоштороусылар тәҡдим иткән ысулдарҙың береһен файҙаланырға кәрәк:

— великиеимена.рф сайтында,

— проекттың социаль селтәрҙәрендә,

— 8-800-707-93-17 һанына шылтыратырға,

— «Аэрофлот» компаниялар төркөмө самолеттары бортында һәм «Еңеү ирекмәндәре» стационар нөктәләрендә анкета тултырырға.

Рәсәй аэропорттарына бирелергә тейешле исемдәр 2018 йылдың 5 декабрендә билдәле була.