“Хәүефһеҙ Башҡортостан” порталы асылды.

Республика халҡы менән тиҙ генә кире бәйләнеш булдырыу өсөн Башҡортостандың Ғәҙәттән тыш хәлдәр буйынса дәүләт комитеты “Хәүефһеҙ Башҡортостан” порталын асты.

Ул бөтә төбәк министрлыҡтарын һәм ведомстволарын профилактик эш уҙғарылыуы тураһында иҫкәртә, кәрәкле кәңәштәр менән уртаҡлаша. Порталда социаль селтәрҙәр аккаунттары, “YouTube” каналы һәм “Instagram” берләшкән.

“Төп бурыс – мәғлүмәт таратыу, хәүефһеҙлек мәҙәниәте кимәлен күтәреү, граждандар ярҙамында хәүефһеҙлек мәсьәләләрен ҡуҙғатыу, уларға комплекслы мөнәсәбәт булдырыу, шулай уҡ хәүефһеҙ тәртип ҡағиҙәләрен пропагандалау”, – тип аңлаттылар Комитеттың матбуғат хеҙмәтендә.

Читайте нас