Дим буйҙары
-18 °С
Болотло
75 лет Победы
Бөтә яңылыҡтар
ЙӘМҒИӘТ
26 Декабрь 2018, 13:11

Хәрби иҫәп — мөhим эш

Хәрби иҫәпкә алыу hәм запастағы граждандарҙы броньлауҙы иң яҡшы ойоштороу буйынса йыл һайын үткәрелә торған смотр-конкурсҡа йомғаҡ яһалды.

Беҙ тыныс ваҡытта йәшәйбеҙ, әммә теләһә ҡайһы ваҡытта илебеҙҙең ҡораллы hөжүмдәрҙән һаҡланыуын тәьмин итeргә eҙер булырға тейеш. Тап бына шул сәбәпле, милек формаһына ҡарамаҫтан, барлыҡ ойошмалар хәрби бурыслылар, шулай уҡ хәрби хеҙмәткә саҡырылырға тейешле граждандар үҙ бурысын үтәргә тиеш. Районда 37 ойошма хәрби иҫәпкә алыуҙы ойоштороу менән шөғөлләнә. 20 декабрҙә райондың хәрби комиссариатында йыл һайын үткәрелә торған хәрби иҫәпкә алыу hәм запастағы граждандарҙы броньлауҙы иң яҡшы ойоштороу смотр-конкурсында еңеүселәрҙе бүләкләү булды.

Бишбүләк районы хәрби комиссары Валерий Шәрифуллин ағымдағы йылда хәрби иҫәпкә алыу hәм граждандарҙы броньлау буйынса башҡарылған эштәр, 2019 йылға төп бурыстар тураһында һөйләне. Район хәрби комиссариаты коллективы 2018 йыл йомғаҡтары буйынса мобилизация әҙерләгәндә hәм хеҙмәт эшсәннлегендә ирешкән уңыштары өсөн беренсе урын алды, Башҡортостан Республикаһы Хәрби комиссариатының Маҡтау грамотаһы менән бүләкләнде. Беҙҙең район мобилизацион йәйелдереү буйынса иң яхшы базаға Бөтә Рәсәй смотр-конкурсында ҡатнашты, Yҙәк хәрби округты тәҡдим итте. Рәсәй Федерацияһы Ҡораллы Көстәре Генераль штабы комиссияһы райондың Рәсәй Федерацияһы Ҡораллы Көстәренә мобилизация ресурстарын йыйыу һәм ебәреүгә әҙерлеге юғары дәрәжәлә булыуын hәм әҙерлеген билдәләп үтте. Смотр-конкурс һөҙөмтәләре буйынса республика беренсе урын, ә беҙҙең район иң яҡшы мобиль йәйелдереү базаһы өсөн Рәсәй Федерацияһында беренсе урынды яуланы.

— Һеҙ хәрби иҫәпте сифатлы алып барырға тейеш. Хәрби ваҡытта граждандарҙы мобилләштереү бер ниндәй өҙлөктәрһеҙ булһын өсөн, һеҙ тәү сиратта граждандарҙың хәл-торошо тураһында белергә тейеш: йәше, ғаилә хәле, белеме, — тип мөрәжәғәт итте хәрби-иҫәп хеҙмәткәрҙәренә Валерий Мөсәғит улы. — Беҙ теләһә ниндәй ситуацияға әҙер булырға тейеш, шуға күрә әҙерлек тыныс ваҡытта алып барыла.

Район хәрби комиссары Валерий Шәрифуллин hәм район хакимиәтенең мобилизацион әҙерлек hәм Гражданлыҡ оборонаһы ғәҙәттән тыш хәлдәр секторы мөдире Виталий Сергеев смотр-конкурста еңеүселәрҙе ҡотланы hәм уларға дипломдар тапшырҙы. Быйыл уҙған смотр-конкурста 5 ауыл биләмәһе hәм 12 ойошма ҡатнашты.

Ауыл биләмәләре араһында беренсе урынға Баҙлыҡ ауыл Советы ауыл биләмәһе лайыҡ булды, (был эш Марина Данилова яуаплылығында). Икенсе урынды Йылбулаҡтамаҡ ауыл Советы ауыл биләмәһе алды (Илмира Ғабдрахманова). Өсөнсө урында Биҡҡол ауыл Советы ауыл биләмәһе (Лилиә Ҡыямова).

Ойошмалар араһында беренсе урын Бишбүләк Юл төҙөү-ремонт идараһына (беренсел хәрби иҫәпкә алыу өсөн яуаплы Зинира Сәрүәрова), икенсе урын — «Йылбулаҡ» ауыл хужалығы етештереү кооперативына (Эльвира Лотфыева), өсөнсө урын — БР-ҙың Бишбүләк төбәк-ара судына (Александр Сафронов) бирелде.

Район хәрби комиссары Валерий Шәрифуллин хәрби иҫәп хеҙмәткәрҙәренә тырыш хеҙмәттәре өсөн рәхмәт белдерҙе, артабан да уларға эштәрендә уңыштар теләне.

Ирина ФОМИНА.
Читайте нас в