Милли проекттар тормошҡа ашырыла

Улар 12 йүнәлешкә ҡағыла: һаулыҡ һаҡлау, мәғариф, торлаҡ һәм ҡала мөхите, экология, автомобиль юлдары, хеҙмәт баҙары, фән, һанлы иҡтисад, мәҙәниәт, кесе эшҡыуарлыҡ, хеҙмәттәшлек һәм экспорт, магистраль инфраструктура.

Рәсәй Президенты Дәүләт Советындағы сығышында әйткәнсә, аныҡ һөҙөмтәләргә учреждениеларҙа түгел, ә халыҡ йәшәгән территорияларҙа: ҡалаларҙа, ҡасабаларҙа, ауылдарҙа өлгәшергә кәрәк. Улар был үҙгәрештәрҙе ҡағыҙҙа, отчеттарҙа түгел, ә үҙҙәре күрергә тейеш.

Октябрҙә Владимир Путин хөкүмәтте милли проекттарҙы үтәгән саҡта «йоҡлап йөрөмәҫкә» саҡырҙы һәм чиновниктарҙың «ғәҙәттәгесә» эшләргә тейеш түгеллеген билдәләне. Республикаға бүленгән аҡса нимә өсөн тотонола, ниндәй өлкәләр күберәк аҡса алыр, Башҡортостанда йәшәүселәр ҡайҙа тормоштарының яҡшырыуын тойор? Ошо һәм башҡа һорауҙарға яуаптар — «Башинформ» мәғлүмәт агентлығының махсус проектында