+24 °С
Облачно
ЙӘМҒИӘТ
4 Января 2019, 08:11
Бер шартлау — 39 ҡорбан
2018 йылдың һуңғы көнө Магнитогорск ҡалаһы халҡына ҙур бәлә-ҡаза килтерҙе. Карл Маркс проспектындағы 1973 йылда һалынған йорттоң бер подъездындағы өсөнсө ҡаттан унынсыға тиклем булған һәм 110 самаһы кеше йәшәгән 48 фатир ишеп төштө. Уға көнкүреш газы шартлау сәбәп булған, тиҙәр.
Әлегә фажиғәлә 39 кешенең һәләк булғаны билдәле. Һаулыҡ йәһәтенән төрлө кимәлдә зыян күргән бишәү, шул иҫәптән ике бала дауаханала.
3 ғинуарҙа Силәбе өлкәһе губернаторы Борис Дубровский ҡаза күргәндәрҙе, һәләк булғандарҙың туғандарын ҡабул итте. Әлегә 24 кешегә 2,5 миллион һумға торошло матди ярҙам күрһәтелгән.
Автор: Гөлдәр Якшығолова.
