Ташҡын ҡурҡыныс булмаясаҡ

Фараздар буйынса, республикала ташҡын күләме уртаса күпйыллыҡ күрһәткестәрҙән 10-15 процентҡа түбәнерәк буласаҡ. Өфөлә, Стәрлетамакта һәм Бөрөлә һыу баҫыу көтөлмәй. Ләкин дала йылғалары ҡурҡыныс тыуҙыра. Әйтәйек, Сибай тирәһендә ҡар ҡатламындағы һыу запасы норманан 76 процентҡа артығыраҡ. Ғөмүмән, Урал аръяғы башҡалаһы республикала был күрһәткес буйынса алда бара.

Башҡортостандың Гидрометеорология һәм тирә-яҡ мөхитте мониторинглау буйынса идараһы етәксеһе Вилора Горохольская белдереүенсә, йылғаларҙа боҙ ҡалынлығы норманан 5-30 сантиметрға йоҡараҡ. Мартта уртаса температура башҡа йылдарҙағынан 2-3 градусҡа юғарыраҡ буласаҡ. Рәсәй Ғәҙәттән тыш хәлдәр министрлығының Башҡортостан буйынса Баш идараһы етәксеһе Марат Латипов һүҙҙәренсә, республикала һигеҙ йылғала автоматлаштырылған 14 гидропост ҡуйыласаҡ, улар һыу баҫыу ихтималы тураһында алдан киҫәтеп торасаҡ.

"Ҡыҙыл тан" гәзитенән.